Youn rah-e-wafa ki saleeb pr,
Do qadam uthane ka shukria!
Bara pur khatar tha yeh rasta,
Tere loat jane ka shukria!
Jo udaas hain tere hijr me,
Jinhe bojh lagti hai zindagi!
Sar-e-bazm youn unhein dekh kr,
Tere muskrane ka shukria!
Teri yad kis kis bhees me,
Mere sher-o-nagma me dhal gai!
Ye kamaal tha teri yad ka,
Mujhy yad aane ka shukria!
Jo zamane bhar ka asool tha,
Wo asool tu ne nibha dia!
Yehi rasm thehri hai Motabar
Mujhy bhol jane ka shukria...
No comments:
Post a Comment