Thursday, February 27, 2014

Usay Bhool Ja

Kahan aa kay ruknay thay rastay, kahan mor tha usay bhool ja,
wo jo mil gaya usay yad rakh jo nahi mila usay bhool ja,

wo teray naseeb ki barishein kisi aur chat pe baras gayein,
dil-e-bekhabar meri baat sunn usay bhool ja usay bhool ja,

mein to gum tha teray hi dheyan mein, teri aas, teray gumaan mein,
saba keh gai meray kaan mein mere saath aa usay bhool ja,

kisi ankh mein nahi ashk-e-gham, tere baad kuch bhi nahi hai kam,
tujhe zindagi ne bhula dia tu bhi muskura usay bhool ja,

kyun attaa hua hai ghubaar mein, gham-e-zindagi k fishaar mein,
wo jo darj tha teray bakht mein, so wo ho gaya usay bhool ja,

na wo ankh he teri ankh thi, na wo khawb he tera khawb tha,
dil-e-mutazir tou ye kis liay,tera jaagna, usay bhool ja,

ye jo raat din ka hai khel sa, isay dekh, is pe yaqeen na ker,
nahi aks koi b mustaqil, sir-e-aaina usay bhool ja,

jo bisaat-e-jaan he ulat gaya, wo jo rastay mein palat gaya,
usy roknay se hasool kya, usay mat bula, usay bhool ja.

No comments:

Post a Comment