Saturday, April 5, 2014

Badaltey Dekhay Hain !!

Yaqeen karain bhi to kis per karain aakhir,
hum ne logon key imaan badaltey dekhay hain,

mazi ki yaad mein jeenay walon hosh men aao,
hum ne waqt key halaat badaltey dekhay hain,

Gila karain kisi sey to kyun ker karain aakhir,
hum ne be-hissi key aamaal badaltey dekhay hain,

hiddat sey pighal jatey hen pathar bhi akser,
hum ne kaheen pathar dil bhi pighaltey dekhay hain,

hikmat yeh hi hey key bhool jo aagay berho,
hum ne mustaqbil key kha o khaal badaltey dekhay hain,

badal key khud ko bhi dekha,magar dil na badla,
hum ne sachay dil walley chaal badaltey dekhay hain,

chalo maaf kertey hen sab khataon ko un ki,
hum ne zindagi key kayee mor badaltey dekhay hain,

faida kuch bhi nahi ab aanso bahaney sey,
hum ne musafaton key ahwal badaltey dekhay hain,

aakhir ko kat hi jata hey waqt tanhai key sath,
hum ne tanhai men apney kayee saal badaltey dekhay hain,

No comments:

Post a Comment