Saturday, November 15, 2014

Jiss ko likhtay thay kabhi jaan se pyaray jaisa...

Jiss ko likhtay thay kabhi jaan se pyaray jaisa,
Door wo aisa huwa hai kay sitaray jaisa...

Iss kahani mein kahen tum tu nahi ho lekin,
Hai kahani mein koi aur tumharay jaisa...

Jahan milna tha wahan tum se bicharna hi para,
Ishq bhi tum ne kiya hum se guzaray jaisa...

Zakhm bhi daita hai marham bhi wohi banta hai,
Wo kinara bhi nahi karta hai kinaray jaisa...

Zindagi itni khasaray mein rahi hai meri,
Ab mujhay nafa bhi lagta hai khasaray jaisa...

Tum jo kehtay thay kay acha hai zamana hum se,
Ye batao k mila koi hamaray jaisa?...!!

No comments:

Post a Comment