TUM YAAD HO TO NAQSH HO....

Tum
yaad ho to naqsh ho mere khiyaal par

Tum
ashk ho to mere dukhon ka ilaaj ho

Tum
khuwaab ho to meri en aankhon mein ho kahin

Tum
wehum ho to mujko haqeeqat se kia gharaz

Tum
bais e safar ho, hunar ki urraan ho

Tum
neend ho to so k guzaarein gay ye hayaat

Tum
husn ho to mere takhaiuul ki jaan ho

aur,,Tum
raat ho to mujko nhe subah ki talab

Tum
noor ban k dil mein samaye ho aaj kal

Tum
khaak ho to,khaak nashinoo'n ki ho talab

Tum
dard ho to rooh pe chahye ho aaj kal

Tum
dasht ho to main bhi musafir hu dasht ka

Aur,,Tum
chaand ho to talkh andhero'n ki fikar kia

Tum
bay-niyaaz ho to zamanay se ho alag

Tum
rung ho to phir ye baharo'n ka zikar kia

Tum
bay-samar ruto'n mein baharo'n ki ho umeed

Tum
rah-guzaar e shouq mein jazba junoo'n ka ho

Tum
aarzu ho ahl e tamanna ki ho khalish

Tum
ratt-jago'n ki bheerh mein lamha sukoo'n ka ho

Tum
be-wafa rutto'n mein hawala ho ishq ka

Tum
be-basi ho phir bhi muheet e hawaas ho

Tum
ek kiran ho noor e azal mein dhuli hue

Tum
taazgi ho shabnami phoolo'n ki aas ho

Tum
gehray paanio'n mein chupay mootio'n ka lams

Tum
maut k safar mein nishaan e hayat ho

Tum
meri chashm e num k sitaro'n ki kehkashaa'n

Tum
husn e be-misaal ho...meri kainaat ho

  
      Aur,,,Tum jb se ho gaye ho meri dastaras se duur

  
              Main g rha hu kyun k zaroori
hai zindagi

  
              Saanso'n k bhojh ko bhi uthaya
hai rooh ne

  
              Lekin tere baghair adhoori hai
zindagi...............