Chalo ek baar phir say ajnabi ho ja'ain hum dono

Chalo ek baar phir say ajnabi ho ja'ain hum dono

na main tum say koi umeed rakhoon dil nawazi kee

na tum meri taraf daikho ghalat andaaz nazron say

na meray dil kee dharkan larkharaey meri baaton say

na zaahir ho tumhari kash-ma-kash ka raaz nazron say

tumhain jo koi uljhan roktii hai paish qadmi say

mujhey bhi log kehtay hain kay yeh jalway paraey hain

meray humrah bhi ruswa'eeyan hain meray maazi kee

tumharay saath bhi guzree hu'ee raaton kay sa'ay hain

ta'aruff rog ho ja'ay tau usska bhoolna behtar

ta'alluq bojh bun ja'ay tau usska torna acha

woh afsaana jissay anjaam tak lana na ho mumkin

ussay ek khoobsoorat mor day kar chorna acha



chalo ek baar phir say ajnabi ho ja'ain hum dono...